АНУ-ын Үндэсний аюулгүй байдлын агентлагийн ажилтан асан Эдвард Сноуден ОХУ-д байнгын оршин суух зөвшөөрөл авсан тухай түүний өмгөөлөгч Анатолий Кучерена мэдээлжээ. Гэхдээ тэр ОХУ-ын иргэншил авах бодолгүй байгаа гэв. ОХУ-ын Засгийн газар түүнд анх 2014 онд гурван жилээр оршин сууух зөвшөөрөл олгосон бөгөөд үүнээс хойш хоёр удаа гурван жилээр сунгасан юм. Энэхүү зөвшөөрөл энэ оны дөрөвдүгээр сарын 30-нд дууссан ч коронавирусийн цар тахлын нөхцөл байдлын улмаас 2020 оны зургадугаар сарын 15 хүртэл автоматаар сунгагдсан юм.
