Засгийн газрын өргөтгөсөн хуралдаан Төрийн ордны Б танхимд үргэлжилж байна. Хуралдаанд салбарын сайд нар болон аймгийн Засаг дарга, Иргэдийн хурлын дарга болон Засгийн газрын харьяа яам агентлагийн дарга нар оролцож байна.
Яг одоо Ерөнхий сайд албан даалгавар өгч байна. Тэрбээр энэ үеэр төрийн албан хаагчдыг хариуцлагатай, сахилга баттай байхыг сануулаад “Онц шаардлагагүй бол онгоцоор гадаад, дотоод явахгүй байх, иргэдийн татварын мөнгөөр тансаглахгүй байх, улсын унааг хувьдаа унахгүй байх, бүсээ чангал. Хүн цохиод алчихаар том том алтан цаг зүүж, сваровский шигтгээтэй үзэг, цүнх барьдгаа больцгоо. Үүнээс л төрийн албан хаагч нарын эмх цэгц эхэлж байна. Даруухан бай. Ард түмнээсээ баян төрийн албан хаагч байх хэрэггүй” гэлээ.
П.ГОО
Оллоо.мн
