ОХУ-ын Санкт-Петербургийн их сургуулийн одон орон судлалын эрдэмтэд Апофис хэмээх солир 2068 онд дэлхий рүү унана гэж анхааруулсан тухай “ТАСС” агентлга уламжиллаа.
Одон орончид илтгэлдээ, “Апофис солир 2029 оны дөрөвдүгээр сарын 13-нд манай гаригаас 38 мянган км зайд (сар дэлхийгээс 384 мянган км зайд оршдог) өнгөрөхийг тооцож гаргалаа. Хамгийн аюултай нь тус солир 2068 онд дэлхий рүү унаж болзошгүй” гэжээ.
Үүнээс өмнөхөн АНУ-ын“NASA” агентлаг тус солирыг 2068 онд дэлхий рүү унаж болзошгүй тухай мөн мэдэгдсэн аж. Одон орончид325 метрийн голчтой тус солирыг анх 2004 онд илрүүлж, эртний Египетийн устгал, сүйрлийн бурхан Апофисын нэр өгсөн юм байна.
Эх сурвалж: ura.mn Б.Сансар
