Монгол Улсын хөдөлмөрийн баатар, Ардын уран зохиолч, Төрийн шагналт яруу найрагч, Соёлын гавъяат зүтгэлтэн, төр нийгмийн нэрт зүтгэлтэн, их соён гэгээрүүлэгч Бавуугийн Лхагвасүрэн энэ сарын 5-нд өвчний улмаас таалал төгсөж, Монголын уран зохиол, соёл урлагийн салбарт нөхөж баршгүй хүнд гарз тохиолоо.
Яг одоо их найрагч Б. Лхагвасүрэнтэй Улсын драмын эрдмийн тeатрт салах ёс хийж, сүүлчийн замд нь үдэж байна. Түүний алтан шарилыг төрсөн нутаг болох Төв аймгийн Баян-Өнжүүл сумын нутаг, Тост уулын энгэрт тавина.
