Монгол Улсын дөрөв дэх Ерөнхийлөгч Ц.Элбэгдоржийг Авлигатай тэмцэх газраас мэдүүлэг авахаар дууджээ. Тэрээр өөрийн твиттер хаягаар мэдүүлэг өгөхөөр очихоо мэдэгджээ. Өнгөрсөн нэгдүгээр сард Ерөнхийлөгч Х.Баттулга прокурорын байгууллагынхантай уулзах үеэрээ Ц.Элбэгдоржийг Тавантолгойн орд газрын гэрээтэй холбоотой асуудлаар шалгуулах хүсэлт тавьсан юм.
