Б.Сансар
АНУ-ын Висконсин мужийн 24 настай оршин суугч Мануэл Франко “Powerball” сугалаагаар 768 сая ам.доллар хожжээ. Хожлын мөнгийг бүхэлд нь 29 жилийн турш хэсэгчлэн авах боломжтой байсан ч тэрээр 477 сая ам.долларыг нэг дор авахыг илүүд үзсэн аж.
Азтай эр өөрийнхөө амьдралын талаар ярихаас татгалзсан ба сэтгүүлчдэд ярихдаа, “Ийм их мөнгө хожсоноо мэдэнгүүтээ дэлхий даяар намайг мөрдөн мөшгиж эхэлсэн юм шиг санагдаж, маш их айдаст автсан” гэжээ.
Тэрээр өөрөөс нь мөнгө хүсэх хүмүүст шууд “үгүй” гэж хэлэхэд бэлэн гэнэ. Гэхдээ хожлын мөнгөнийхөө зарим хэсгийг буяны үйлсэд зориулахаа үгүйсгээгүй байна.
Эх сурвалж: ura.mn
