Их Британийн ханхүү Харригийн эхнэр, Сассекскийн гүнгийн ахайтан Меган Маркл хүү төрүүлжээ.
“Өнөө өглөө үүрээр Меган эрүүл саруул хүү эсэн мэнд төрүүлсэн тухай мэдээлж буйдаа баяртай байна. Энэ бол миний амьдралын хамгийн гайхамшигтай үе байлаа” хэмээн ханхүү Харри өгүүлжээ.
Мөн хүүдээ ямар нэр хайрлах талаар эхнэртэйгээ ярилцаж буйгаа хэлжээ. Букингемийн ордноос гаргасан мэдээллээс үзвэл Меган Маркл 3.26 кг хүү төрүүлсэн ажээ.
Энэ хүү Их Британийн Хаан ширээ залгамжлагчдын жагсаалтын долоод бичигдэх юм. Жагсаалтын эхэнд Уэльсийн хунтайж Чарльз, дараа нь ханхүү Уильям болон түүний хүү Жорж, охин Шарлотта, Луи, дараагаар нь ханхүү Харри тэгээд дөнгөж мэндэлсэн хүү бичигдэх юм.
Ханхүү Харри болон Америкийн жүжигчин 37 настай Меган Маркл нар 2018 оны тавдугаар сарын 19-нд хуримаа хийсэн билээ.
