БНСУ-ын Засгийн газар коронавирусийн тахалтай тэмцэж байгаа үеэр энэ сарын 15-нд болох парламентын сонгуулийн кампанит ажил өнөөдөр албан ёсоор эхэллээ. Санал хураалт хүртэл 13 хоногийн турш сурталчилгааны ажил үргэлжлэх юм.
Иргэд нэр дэвшигч болон улс төрийн намуудад тус тус санал өгөх ба уг сонгуулиар парламентын 253 гишүүнийг шууд сонгоно. Мөн уг сонгууль 2022 онд болох Ерөнхийлөгчийн сонгуулийн өнгийг тодорхойлно гэж үзэж байна.
10,000 орчим коронавирусийн халдвар бүртгэгдээд байгаа цар тахлын үеэр Өмнөд Солонгосын улс төрийн намууд кампанит ажлаа эрүүл, аюулгүй байдлыг эрхэмлэн нам гүм хийх төлөвтэй байна.
Эх сурвалж: livetv.mn
